米遊記

收工收得夜，要約埋D同事食飯就要搵一間收得比較夜的食店，同事知道最近旺角開左間美顏鍋打邊爐，加上仲要收凌晨3:00，咁就二話不說一行七人去試下先。美滋鍋位於旺角家樂坊8樓，一出閚就見到大大個火鍋比大家影相，系IG Hashtag仲可以有機會贏2000禮劵。

一入門口要立即準備電話(打卡位)美滋鍋嘅粉紅小熊

去之前已經比佢成間店系粉紅色吸引(重申本人不是粉紅控)，入到去真系好有少女情懷，好適合打卡，可能店鋪仍然比較新，不知道過一段時間會唔會變左好似勞蘇咁呢？

醬料區系自助，種類很多，迎合不同口味，有教你如何調味。

下單用IPad 落單，以下是一少部份(漏左影湯底)

湯底叫左4格，分別系骨膠原蛋白美顏美容鍋、滋補養生香辣鍋，養生藥膳醉雞鍋、維他明C蕃茄玉米鍋，喜歡味淡可以揀骨膠原蛋白美顏美容鍋，其他都好入味，香辣鍋可調整辣度，可以試下。

人多D打邊爐最好就系可以叫多D野食，因為我地真系叫左好多野食，不過佢有半份和一份Order。牛肉叫左兩款試，本地手切肥牛，筋比較多，推薦美國安格斯小牛排，有牛味，入口唔韌。仲有一個系黃金魚皮，值得一試，但真系好邪惡，外層系沾滿咸蛋黃醬，魚皮又脆。仲Order左蝦滑、響鈴、醉雞、水魷魚、蒿荀、竹笙、芋頭、金菇、午餐肉、蓮藕、炸魚皮、蘿白、黑柏葉、生菜皇帝菜娃娃菜等等…….飲品Order竹蔗茅根$18一杯，任飲$23計Order人數。如果有4個人，只有3個任飲都可以，唔駛計全部人頭，因為佢地系逐杯逐杯斟比你。

店員提我地黑柏葉落一分鐘就要食，如果唔系就會咬唔到啦。

店舖以粉紅色裝潢作為買點是十分吸引，上網睇介紹覺得有D似海底撈，店員會主動幫忙，如蝦滑會幫你落鍋，上網睇話會幫手剝蝦添(我地無叫蝦)，埋單走之前又送柚子沙冰，呢度又好似台灣嘅無老鍋，但食物新鮮好味是令我會再一次光臨的。

以上純粹個人感受及分享