遠足記-即興行大帽山3小時感受春、夏、秋、冬2020.2.2
遠足記
疫情影響，邊度都唔敢去，唯有向郊外兼山上走。今次就近近地去大帽山走走。大帽山可以在荃灣乘搭51號巴士，巴士是循環線的。不過我哋系揸車上去，搵位泊車就難少少啦。其實揸車系可以行少好多路架，但蠢蠢地嘅我哋就將架車泊到老遠咁行上去，所以到最後Total可以行咗9點幾公里。厲害👍…..
由大帽山郊野公園三角路口位開始向上行，到達茶水亭及廁所位置有一個小山丘，有很多小朋友放風箏。本來諗住山上會少人D，空氣會清新D啦，點知仲多人過市區條街。
剛開始行感到秋天氣息，有風唔系好熱，著風褸岩岩好。
沿斜路行上多少少就見到大帽山郊野公園遊客中心，有一個停車場。
一路行都系沿住斜路上山，車行斜路，所以唔會太辛苦，不過就要小心一點，假期會有不少車輛上落。
一陣就要行上去天文台個白波波(天氣雷達站)
由山上向青馬大橋方向望落去，青馬橋都唔系望得好清楚，有一層煙霞咁，灰灰地⋯⋯
去到大帽山郊遊地點3號場，往石屋外走是一個觀景台，望向元朗方向。
終於由秋天變咗做夏天啦，外套都除埋，短袖衫出動，不過天文台個雷達站已被霧遮住，上到去唔知會有幾大霧呢？
大約行咗60分鐘，到達咗觀景台下面嘅綠色屋仔閘口，旁邊有一個停車場，當日十分多人，停車場都爆滿，所以揸車可去到天文台雷達站下嘅停車場，可少行60分鐘嘅路⋯⋯
上到呢到，D霧已經飄緊落黎咁，由夏天又變返做春天，濕濕地又涼涼地咁。山上&山下都被霧覆蓋晒，能見度都好低。
見到呢一間石屋仔就知道距離目標不遠啦，太大霧啦，行到邊都唔知道
終於上到去雷達站，大霧到乜都睇唔到，淨系見到個影
冬天又返來了，又大風又凍，仲要比山下面嘅氣溫低好多度咁，著埋羽絨都唔誇張⋯⋯
（望下相旁邊嘅小朋友）
比大家感受下有幾大霧啦，睇吓下面條片⋯⋯
今次即興行山無諗過會經歷春夏秋冬咁，又熱又凍又濕又涼，但假期去大帽山多人又多車，就系因為多車，所以以入無位入，將架車泊到好鬼遠，唔系嘅話就可以行少好多路(哈哈～太懶了)！有機會的話都想再去一次，因為天氣變幻莫測，每一次去應該都可以睇到不同的景色，希望下次去可以唔好咁大霧啦，最好可以見到日落+天文台白波波添！
全程：約9.4公里
大約3小時(連拍照)
以上純粹個人感受及分享
