旅遊 美國

回憶-無計劃行程 芝加哥馬拉松遊記EP1

 

依家疫情影響,搞到無得去旅行,所以無限Loop之前去旅行D相,睇返上一次同三家姐一齊去芝加哥跑馬拉松都無寫blog,抽時間寫吓回憶一下吧!飛外國對於我溝通上可能有少少困難,英文麻麻哋嘅我,痴住三家姐去就無問題啦⋯⋯咁今次我第二次搭長途機,有咗第一次經驗之後,上機前準備充足。香港有直航飛到芝加哥,大約飛13小時。到達奥黑尔國際機場O’Hare完成所有過關程序已經是下午2:30了,出到機場大堂已經有馬拉松氣氛了,因為芝加哥馬拉松是世界六大馬拉松之一,所以應該有很多選手已經到達。

出咗機場,我地會先搭地鐵返酒店。馬拉松期間會有呢張紀念車票買,一定要買留個紀念吧….

地鐵站…

上咗地鐵同平時係電視睇外國片嘅一樣,親身感覺係唔同D,車廂有D細,還是定係D人大粒D呢?哈哈

見到佢地個地鐵路線圖,頭到暈埋,又多又密,不過去到邊度搭地鐵都一樣,先搵咗搭咩色線,之後先再搵站名,最後搵月台上車….

我地由機場返酒店搭藍色線BlueLine,奥黑尔國際機場O’Hare ➜ Lasalle站,大約定40分鐘左右

地鐵站一出就係芝加哥期貨交易所大樓,大約走10分鐘到酒店

今次我地住間酒店係最近馬拉松起點及終點位置,加上位於市中心,附近都有不同景點,步行已經可以到達,搵相嘅時候發現原來我都無影過酒店相,只有呢張側面…哈哈!

酒店:芝加哥議會廣場酒店(Congress Plaza Hotel Chicago)呢間酒店有百幾年歷史,在2008年翻新過,但裡面仍然好懷舊,不過我覺得房間有少少恐怖,走廊走路時會有isis聲

開頭無為以係一部升降機,仲想走埋去影相,點知有人出黎!笑咗….

酒店房間好大,不過我覺得光線唔係好足夠

放低哂所有野係酒店之後就出去逛逛,附近有好多著名景點 – 芝加哥藝術學院 The Art Institute of Chicago、皇冠噴泉 Crown Fountain、雲門 Cloud Gate、菲爾德自然歷史博物館 Field Museum、千禧公園 Millennium Park、白金漢噴泉 Buckingham Fountain etc…

芝加哥藝術學院The Art Institute of Chicago

皇冠噴泉Crown Fountain

皇冠噴泉Crown Fountain

千禧公園Millennium Park

每個人去到芝加哥都一定要去呢一粒豆(The Bean) 打卡,必到景點….

雲門Cloud Gate,因其外形又被俗稱為「豆莢」(the Bean)是公共藝術塑像作品,位於千禧公園的AT&T廣場內,作品長20米,寬13米,高10米,拱底最高處距地面約4米,重100噸。雲門雖由168塊不鏽鋼板接焊而成,但其表面非常光滑,遊客可以在其上看到被反射和扭曲的城市輪廓,但完全觀察不到接縫。資料來源:維基百科

塑像的底部為會歪曲和重疊影像的凹形空間,被稱為「omphalos」(希臘語意為「中央」) 資料來源:維基百科

行咗一陣就要去食晚餐啦,今晚食Giordano’s stuffed Pazza,呢一間係芝加哥都幾出名,超厚Pizza….排隊排咗差不多1.5小時,超多人等,加上要預早1小時落單整,所以就算坐低咗都唔係即刻有得食。

食飯時間,坐滿人

主角出場,個pizza超級厚,批邊好簿又好脆,勁多芝士,正呀喂~

拉絲唔斷架…

我唔係好大食,食一件已經好飽啦

食飽飽就行返酒店極速瞓覺,今日超級攰,搭咗13個鐘頭飛機去芝加哥,仲要調節時差,所以食野嘅時候已經眼瞓到要了我的命…外面有小小雨,但感覺唔太凍。

以上純粹個人感受及分享