旅遊 美國

回憶-芝加哥馬拉松遊記EP2 「拎選手包 菲爾德博物館」

回憶-無計劃行程 芝加哥馬拉松遊記EP1

今日好大霧,將芝加哥的高樓大廈都遮住,有小小雨。一早起身緊係要去食個早餐先,今次食果間又係要等好耐,位於千禧公園附近,拎完飛係附近逛逛…..食完早餐之後太陽又出來了….精神!今日嘅行程都幾輕鬆︰早餐 – 拎選手包 – 菲爾德博物館 – 晚餐

千禧公園 – 千年紀念碑,紀念保育公園及捐助嘅人

呢間早餐又係要排隊排成個鐘,一早就已經有好多人排隊,我地排得隊食埋都差不多中午,”WILDBERRY Pancakes and Cafe”,顧名思義呢間就係食Pancakes

餐牌

咁多人黎講上餐速度唔算太耐,不過當我見到每份餐嘅份量都有少少誇張,美國人size,好似去咗大人國食野咁…哈哈!

Berry Bliss Packcake 有4塊,每塊都大個我塊面咁…

呢個Egg Benedict’s薯餅整得好好食,我地有Encore,有脆有淋又好有薯仔味

食完Pancake之後我哋坐school bus 去Abbott Health & Fitness Expo 選手包會場,平時成日係電視機睇到搭呢種黃色校巴,當自己搭嘅時候覺得好新奇…

大約坐20分鐘到達會場….

呢個會場好大,比起之前去過神戶馬拉松,呢個攤位多好多,運動服裝、能量食品、攤位遊戲 etc…大開眼界

6大馬拉松獎牌

拎完選手包返酒店,放低野之後就出發去菲爾德博物館(Field Museum),由酒店步行至博物館大約20分鐘,博物館區有︰菲爾德博物館(Field Museum)、謝德水族館(Shedd Aquarium)、阿德勒天文館(Adler Planetarium),時間關係,我們只可以去菲爾德博物館,場館大,至少預留2-3小時參觀。最受歡迎嘅展覽品就一定係Sue,世界上現時最大,亦係保存得最好嘅暴龍化石,可惜當日去到先發現Sue 保養中,暫停展出,不過最後都有一面之緣。木乃衣展覽都值得一看,記錄制造木乃衣過程等….

謝德水族館(Shedd Aquarium)
菲爾德博物館(Field Museum)

 

其實2小時係睇唔哂,走馬看花….

恐龍化石展覽

木乃衣展覽

太空隕石

博物館前就是密歇根湖,密歇根湖大到好似一個海咁…..入夜天氣開始有D凍,好大風….

返酒店會途經Grant Park – 雕塑由波蘭藝術家設計Agora,共106具無頭無臂鐵作品。資料來源

今晚晚餐食中餐,呢間Panda Express是一間美式中國快餐的連鎖餐廳,好多地方都有分店,好似飯堂裡面Order 3餸飯….人在國外突然間掛住家鄉快餐味,都係一個唔錯嘅選擇,味道唔錯….

今晚要早D返酒店瞓覺,家姐準備明天馬拉松…..

回憶-無計劃行程 芝加哥馬拉松遊記EP1