遠足記｜西貢太墩千島湖-以為上山好容易
行程：北潭涌 太墩 長山 斬竹灣大網仔路
全程：約6公里
時間：約3小時
當日早上行完釣魚翁唔夠喉，搵咗個以為路程短又容易嘅太墩行，點知中伏了，都唔係想像中咁容易行。由北潭涌停車場出發，忘記影個入口位，多咗人行入口依家應該都易搵咗，難入口在停車場角落位，不過都有絲帶指引。一開始上山已經喺D沙石斜路，都幾跣吓，見住前面個小妹妹唔係著行山鞋，行每步都跣吓跣吓，見到都鄧佢驚。我果日行天氣都幾潮濕，D樹都高過我地又無咩風，所以都幾翳焗幾辛苦⋯⋯
行咗大約20分鐘叢林路，終於見到個開揚嘅景色，有返D風，無咁辛苦
繼續上山
其實我哋上山條路都係1K，但可能全斜路上山，所以用咗差唔多1個小時先上到太墩
太墩有另一個千島湖之稱，飽覽西貢海一帶景色，可惜當日天色麻麻。
休息咗大約30分鐘就離開太墩（食吓野影下相）時間好快過
落山條路我哋揀咗經長山落山，上山已經唔容易，點個落山好似仲難咁
沿住D小叢林路會找到一條落山路
落山路一D都唔易，手腳並用﹐要好小心咁向下行，如果唔係好易sir落去
落山大約用咗20分鐘行果D沙石路後，會見到呢個指示牌，向斬竹灣方向行
繼續落樓梯
長山只係高海拔165米，呢個應該已經比廢嘅長山標高柱
其實長山已經可以飽覽到西貢海景色
長山真係好長，行極都行唔完咁⋯
離開長山差不多都日落
落埋最一段樓梯就可以出返斬竹灣大網仔路
今次太墩之旅，我自己覺得都幾辛苦，早上行完釣魚翁，諗住行個易易地，點知天氣又潮濕又無風，仲要不停上斜，同預期中有出入，仲諗住輕鬆D落山，點知落山條路仲難，手腳並用，又行極都行唔完咁。所以行山都要準備充足，搵好路線，查清楚的話唔駛咁辛苦自己。哈～哈～哈～
