美食

台灣火鍋|犇殿·試新野有驚喜

準備去澳門隔離前,中午飯走去試咗奧海城新開嘅「犇殿」因為新開都乾淨,打邊爐位與位之間都幾闊落。半自助形式,用電話order牛落單,送牛速度算快,但每碟牛只有4塊,唔知係咪跟人頭呢🤔⋯⋯我食Lunch Plan $198 美國黑毛和牛腰脊肉,湯底:御膳麻辣鍋&口湖扁魚蛤蜊鍋。任食餐裡面有5款🐃、1🐖梅花、1🐑肉卷&1阿嫲燒酒🐓Order嘅時候一次過點哂咁多款牛,問返個侍應邊隻打邊隻,侍應竟然唔識答。最後我地續碟不同款咁Order返先知道。
5款牛 – 我和三家姐覺得好食排名👇🏻
🥇安格斯牛小排
🥈美國黑毛和牛腰脊肉
🥉美國牛胸腹板肉
4️⃣美國牛板腱
5️⃣美國極黑牛三叉
今次Lunch打邊爐比平時食牛都食得多,平時我會食配菜多,但今次都無咩點食丸,腸等等⋯⋯最後亞媽話隻阿嫲燒酒雞好滑好食😋
飲品有10幾款比你揀﹐選擇都算多,甜品仲有涼粉同芋圓小丸子。MELONA雪條有2隻味,蜜瓜&芒果,雪糕唔知咩牌子有3隻味,沖繩海鹽、比利是焦糖餅&朱古力,味道一般!
「犇殿」呢間台式火鍋性價比都算高,會再ENCORE,個人覺得牛嘅質素都算好,麻辣鍋唔會好咸好辣,越食會越想食,加湯時會問需唔需要加辣,呢樣幾好幾細心,不過鴨血和蜂巢豆腐就要額外收錢。
———————————————————
以上純粹個人感受及分享
地址:奧海城3期,UG/F,UG59-65