香港去澳門醫學觀察5＋3｜鷺環隔離酒店
澳門隔離5＋3
⚠️防疫政策經常有變，大家出發前都要查看清楚⚠️
香港出發澳門前準備事項：
1.預約檢疫酒店（澳門現時 For 香港人預約的隔離酒店有2間）
鷺環海天度假酒店 &葡京人（葡京人只會for 二、四、五&日，由香港搭金巴去的人）
預約須要經電郵，酒店會大約一星期內回覆你，所以急BOOK未必會有位
酒店確認EMAIL會幫你預約了金巴時間，（如果無金巴預約時間，出發前一天也會電郵通知）
2.出發前24小時核酸檢測報告
例如：2號出發，1號做檢測就可以啦
3.澳門隔離期間5天檢測費用$1250
付款時記低預約編號，付款後要再去網站查詢，Cap低返個 QRCode，去到港珠澳口岸會用到
4.打印彩色檢測報告，預約酒店確認信
出發當天去到港珠澳香港口岸，會有工作人員問你拎3樣嘢
1彩色檢測報咗
2.隔離費個QP Code
3.酒店確認書
之後會比個籌你等做核酸檢測
以下是澳門及珠海班次，接以下時間進行核酸檢測（留意返金巴會因應疫情更改班次，出發前查詢清楚）
企埋一邊等做核酸檢測
檢測完後到以下位置等結果…..
工作人員會比個籌你等，大約等1-2小時
我當日等了大約1小時
當陰性報告結果出來後，會有廣播叫籌上號碼，行去櫃檯會有工作人員為你戴上綠色手帶
過關前衞生署會抄底手帶上的號碼確認
去到金巴售票處，到櫃枱前有職員問你拎～核酸檢測報告&酒店確認信
之後比3張表格你填，2張是入境澳門用，1張是上金巴用
填好後差不多上車時才會到櫃枱付款，只接受微訊、支付寶和八達通支付
大約1小時車程…
到達澳門關口出示核酸檢測報告、酒店確認信、填好的表格
入境處人員安排每個人坐一個位置，逐個出來坐低過關，再經衛生局人員確認，等齊人就可以上車去酒店
由香港去澳門整個流程總共用咗5個小時😭，當日我大約1點前到香港口岸，大約7點才回到酒店！
我預約鷺環海天度假酒店，這間酒店分內園房和海景房，我覺得呢間酒店有點舊，最唔鐘意燈有點暗（因為我習慣白燈）加上企缸花灑頭不能手持（個人不喜歡）不過洗手間裡有洗潔精和洗衣液提供，加上有餐具提供都幾環保，食物質素唔錯，所以5天都好快過去。
房間枱面有準備小食，探熱機和一份餐具
呢個可以搖控整個房間大部份的電器，不過冷氣不能調節溫度，只有開或關和細、中、大的風。
第二日天光可以比大家睇到出面的景色，之前一晚返到酒店果晚黑媽媽咩都睇唔到，景色幾靚，不
過鎖住咗唔可以出露枱
下午茶時間，酒店會提供一些小茶點，葡撻、雪糕及蛋糕仔等等….小驚喜
大家可以睇睇我呢5日食D咩，見到有D上哂碟，絕對唔係酒店送來，酒店送來是用餐盒
只不過是我太無聊，自己擺盤擺到咁姐，即刻食慾都唔同哂……😆
其實5＋3是在我隔離其間宣布，當時打去問酒店，酒店仍然未收到資訊，大家都在等通知，夜多少少就知道我可以選擇7＋3還是5＋3，分別在於之後3天的健康碼，7＋3是黃碼（自我健康管理）5＋3是紅碼（居家隔離），如果選擇5＋3，但不符合居家隔離條件人士要入住 紅碼酒店🏨，不論居家隔離定酒店隔離，之後3日都要到檢測站的紅碼專區做3日核酸檢測，第3日採樣後健康碼轉為黃色，陰性報告出咗就會轉返做綠碼
隔離咗5日，終於可以離開啦
離開酒店當日早上在房間要做最後一次核酸檢測，之後酒店大約幾2點幾安排離開房間，先CheckOut，再退回餘下的兩日房費。
最後衞生局會派發一張「完成集中醫學觀察證明書」
最後當然離開酒店啦⋯⋯
以上純粹個人感受及分享
