行山-針草帽連走｜大年初二行大運
行山｜針、草、帽連走
針山、草山、大帽山是一條熱門的跑山路線，如果由城門水塘出發連走針、草、帽全程約16公里，針山高532米，草山高647米，大帽山高957米，三山高低起伏，需要有一定的體能才可以完成。其實上一次和三家姐行針山已經是2年前，只行了針山和草山，不過上一次行到尾段很肚餓，所以很想快點完成下山吃飯。今次食飽飯先上山😂挑戰一下我們的體能，針草帽連走Let’s Go…
2023不一樣的年初二，三姊弟上山行大運，針草帽連走。天氣有點潮濕，但不會太熱，差不多行到大帽山還有點涼意，大帽山的天氣真是變化得好快，一時天朗氣清，一時又大霧到什麼都看不到（真係估你唔到）
路線：
石籬 ➠ 城門水塘主壩 ➠ 麥理浩徑第7段 ➠ 針山 ➠ 草山 ➠ 鉛礦坳 ➠ 麥理浩徑第8段 ➠四方山 ➠ 大帽山 ➠ 大帽山遊客中心
全程：約19公里
時間：5.5小時 (連影相📸️休息）
由石蘺（安捷街足球場旁）出發行上去城門水塘
行大約25分鐘到達城門水塘 往城門水塘向主壩方向行
麥理浩徑第7段開始上針山
回望城門水塘景色
針山山腳
開始無窮無盡的上山沙石樓梯
由麥理浩徑第七段到達針山約行50分鐘
落針山的路全部都是沙石路，要小心加上最好著行山鞋
落山後回望針山（都幾高幾斜）
沿路行去草山都是石屎馬路，所以容易易行，不過有少少悶
沿途有清晰的指示牌
就快到草山之前有一舊❌石
上一次去都無去到打卡
行去草山要留意標距柱，行到M134
行前少少轉右有一條路轉入去會見到❌石
（唔駛抱太大期望）不知道是不是天然形成呢🤔
入去打完卡 好快就到草山
由針山行去草山大約70分鐘
草山並沒有草山牌打卡 因為刻在石上
草山比針山高（真係估佢唔到）
不過都有條隱蔽的標高柱
草山石斜對面有條小路可以行入標高柱
標高柱上望出去的景色都幾靚
草山打完卡後就出發去大帽山
由鉛礦坳落山會見到分叉路
向右轉往城門水塘方向行
沿路會見到一個涼亭，洗手間及水補給站
那裡就是麥理沿第8段就可以上大帽山
呢段路又悶又熱，不停向上行落梯，加上又有大石級，我應該唔會再想行呢一條路上大帽山
行大約1小時到達四方山涼亭
繼續向大帽山林道行上大帽山
新打卡位
大帽山天氣真係變得好快，熱、涼、大風、大霧
突然又好好天
巧遇雲海
感想：今次能夠完成針草帽真係好開心，真心想講句：媽我得咗啦😂。由石籬上山已經樓梯，上針山都係樓梯，鉛礦坳上大帽山仲要係大級樓梯，第二日我見到樓梯都有少少驚，由麥理浩第8段上大帽山條路都真係幾沉悶，但每次行到四方山涼亭都要呻一呻，又要行大帽果幾條奪命斜，真係攞我條命。當日天氣潮濕能見度唔高，所以景色唔算最靚，原本以為大霧到見唔到大帽山波波，點知上到大帽山天朗氣清，仲要比我哋見到雲海，完全無諗過香港可以見到雲海，大自然景象永遠都係要親眼睇比較震撼，睇到咁靚景色所有疲勞盡消，最後我哋仲用咗大約25分鐘跑落山， 到達蓮姐茶水亭，再行落荃錦公路搭51號九巴離開。
⚠️每個人體質不同，行山要因應自己的能力而行，量力而為⚠️
以上純粹個人感受及分享
