紐約遊記Day2～遊景點打卡日
中央公園▶The Vessel▶Highline park▶Little Island▶紐約公共圖書館
人物介紹：(Mi 、三家姐 、亞女~三家姐個女)
時差關係，第一晚太早瞓，凌晨5點就已經醒了，玩吓電話又懶床，7點幾比三家姐捉埋我一齊落GYM Room做運動，1hour later。做完GYM 就梳洗準備出街！
今日主要行程就是做一個遊客，參觀紐約景點，由亞女帶團。哈哈⋯
我們先到中央公園會合，亞女揀咗間食Liberty Bagels做Lunch，店裡面勁多人排隊等落單，Bagels可以配很多不同味道嘅cream cheese，實在花多眼亂，選擇太多都不知從可入手。（看圖）Order完後，我哋選擇到中央公園搵個位置慢慢享受。我覺得好似啲電視劇情咁樣坐公園食Lunch，哈哈⋯
呢個Bagels好大份，我一個人根本唔會食得哂，最後要打包拎走做晚餐(係好食嘅)
出發去景點啦～
The Vessel 建築物由英國設計師托馬斯·赫斯維克所設計，精心製作的蜂窩結構樓高16層，包含154層樓梯，2500級階梯和80個觀景台，供遊客攀爬。由於一連串等自殺事件，所以現在觀景台已經不會對公眾開放。(資料來源：維基百科）我覺得The Vessel比想像中細，入裡面影相係靚，可惜不能夠行樓梯上觀景台。
HighLine Park 由一條荒廢的鐵路改建而成，全長2.33公里，空中花園兩旁種滿綠色植物，每行一少段路都設有座椅讓大眾休息，空中花園貫穿鬧市，在樓與樓之間穿插，可欣賞到不同景色，亦可望到Hudson River(哈德遜河)。
途經Chelsea Market（雀兒喜市場）
Little Island（漂浮公園）我最初以為真係一個島，去到出乎意料之外，竟然係人工島，加上星期日去整個島都係人，三家姐覺得似一朵朵蓮花，點知係由132朵像鬱金香的設計而成，用280座混凝土支撐，有不同的高低起伏，望落去就好像一個漂浮在海中的小島。
New York Pubic Library (紐約公共圖書館)，世界上著名的圖書館。其實原本唔係我哋行程之一，只係途經此地，去到已經差不多關門，所以只參觀了一少部份，而最想去嘅自修室都無入到（之後經過有再去多次㗎）我對圖書館最深刻印象就是The day after tomorrow(明日之後)和Spider Man(蜘蛛俠)。
亞女晚上有節目，我哋差不多6點已經返到酒店，結束今日的行程。
感想：好充實的一天，中央公園真係好大，之後應該會再去、紐約亦多了很多新景點，但我覺得Subway無變過，一樣係有臭味，車箱會突然間關燈。哈⋯
以上純粹個人感受及分享
