紐約遊記Day4～走進時代廣場、華盛頓廣場公園拱門打卡
轉酒店▶時代廣場▶NYU▶華盛頓廣場公園
經歷完第三晚的驚嚇之後，今日11點前要check out，一早起身收拾好行李，call 車準備搬酒店。今日搬的酒店地理位置很好，位於紐約時代廣場，出行十分方便！
酒店大堂梳化休息位置有switch 給客人玩樂，我都有去玩，想和三家姐對打時發現其中一個手制壞了。哈…大堂有一個mini bar，推門出去還可以看到時代廣場，有點像天台bar，我坐下來，望著人來人往的時代廣場，還有五光十色的廣告Led，這就是真正的紐約嗎？
我們大約12點已到，要到下午3點才能夠check in，唯有先寄存行李再周圍逛逛！從酒店出來被3層高的M&M吸引，本身我不吃朱古力都被它吸引，裡面除了有朱古力外還有很多精品，杯、衫、咕𠱸…大電視見到紫色的M&M，十分好奇地問三家姐：「紫色係新色嗎？」M&M有分男女，咁紫色係男定女呢？之後自己Google😂
走到時代廣場心藏地帶，平時睇新聞，年尾倒數，拍電影就睇得多，當自己置身其中，在時代廣場中央枱頭360度望，都被很多巨大的led屏幕包圍住，感覺自己好渺小。
Lunch time，今日食漢堡包，呢間店只有漢堡包，薯條和汽水，沒有其他選擇，但又出其地好味道！（排住食，影得衰）
食飽飽之後就要返酒店，沿途有經過line store，入口門又係有一隻大型熊大影相。返到酒店應該都差不多3點，可以check in拎行李上房！
在酒店整頓好後，就出發去NYU，學校周圍都掛住紫色嘅校旗，第一個購物點竟然係NYU bookstore🤭，shopping完之後就在學校附近走走。
紐約大學會租用華盛頓廣場公園（Washington Square Park)作為畢業典禮的場地，以華盛頓廣場拱門(Washington Square Arch）為主要象徵，所以成為畢業生的影相勝地。
之後下午有一個grad alley活動，一直到夜晚8點，裡面有好多攤位遊戲，獎品係有有學校logo嘅紀念品，仲有好多食物攤位👉🏻免費雪糕、可樂、爆谷等…
紐約有很多景點都會見到畢業生影相留念，畢業週唔止NYU一間學校，還有其他大學舉行畢業典禮，整個城市都充滿濃濃的畢業氣氛！”米”好開心可以來到參與，感受到呢份喜悅！
當晚帝國大廈會亮起紫色燈光，祝賀NYU的畢業生前路光明！
