台灣湯屋·偽日本大驚喜
台灣浸溫泉好多人都會諗起北投，雖然我都未去過北投嘅溫泉，但我今次去呢一個私人湯屋性價比十分高！
本來想book一晚酒店，早兩星期預約都已經full咗。
一入到大堂已經有日本feel，窗外面景色真係靚，溪水真係藍綠色，無P圖！
呢間私人湯屋有幾個唔同嘅主題，無得預約，要去到即場排隊等㗎。每間湯屋正常使用時間為90分鐘，我自己額外加多30分鐘，主題湯屋最多人揀嘅係～泰雅～
要坐係大堂等👇🏻
不過我去到無咩選擇揀，一係就要等到有自己想去嘅主題湯屋，最後我揀咗檜木桶！
👇🏻主題湯屋👇🏻
～金珞、檜木桶、泰雅、璞石、鍋物、懷古
湯屋裡面洗手間和淋浴區是分開，我呢間係半開放式
即係可以關窗，亦可以開窗！另外有經幾間主題房係開放式無窗嘅！我果日天氣都凍凍地，所以有窗好似好啲！
一入去影完相就要開水，因為放水都要一段時間！水溫度岩岩好！湯屋有介紹，呢個泉水係碳酸氫鹽泉，對皮膚有滋潤功能嘅美容湯！
呢間我一定會再去…🥰
📍新北烏來璞石麗致温泉會館
地址： 新烏路五段88號, 烏來區, 新北, 23341
以上純粹個人感受及分享
