深圳酒店：開揚城市高樓景觀、豐盛自助餐，完美慶生體驗！
今年陳生生日Book咗間深圳酒店，7月1日前夕，福田口岸比平時更加多人，連地鐵入閘位多人到排隊排哂出嚟。好彩我醒目，行返出外面地鐵入口入閘上車。
今次Book咗間酒店位於9號線高新南地鐵站A出口旁邊，十分方便！
Check in大堂位於57樓，飽覽整個深圳灣及南山景色，酒店前台員工十分友善！
我訂的房間是城市景觀，安排了56樓房間，樓層高，景觀十分開揚。
房間整潔乾淨，廁所和淋浴間分開，沖涼水夠熱夠勁！仲有浴缸浸浴添呀。
話明係酒度Hea，當然就唔駛出酒店啦，我就去咗酒店嘅Gym Roon跑吓先，
晚餐就Book埋呢間酒店嘅自助晚餐。一早去美團預訂，訂枱有Remark慶生，一入去就見到佈置好嘅果張枱，嚇咗陳生一跳🤣
如果要靠窗邊坐，訂位時一定要Remark，如果唔係餐廳未必會安排到靠窗位，不過如果要睇日落的話，建議餐廳最入嘅窗口位，因為我哋坐果個位係睇唔到日落。
我就覺得個自助餐性價比幾高啦。有龍蝦、生蠔、鵝肝、佛跳牆、刺身⋯⋯食物的種類都算多，我哋由6點食到九點
自助餐餐廳旁有一個間酒吧，印象記憶中佢好似係收1:00，諗住返酒店房抖一陣再上去飲返兩杯，但實在太飽，最終都放棄咗啦。
我揀呢間酒店唔係位於繁華的地區，不過兩日一夜留在酒店享用酒店設施都是一個不錯的地方！
人均價格：¥600(RMB)
評分：⭐️⭐️⭐️⭐️（五⭐️最高）
🎈：深圳灣萬麗酒店
地址：粵海街道高新區社區科技南路18號, 南山區,
如何前往：9號線高新南地鐵站A出口
人均價格：¥428(RMB)
評分：⭐️⭐️⭐️⭐️（五⭐️最高）
🎈：深圳灣萬麗酒店·燃自助餐廳·日落景觀
地址：深圳灣萬麗酒店57樓
如何前往：9號線高新南地鐵站A出口
以上純粹個人感受及分享
