深圳美食｜一人飯堂肉肉大米
今次仲食唔到肉肉大米，岩岩開嘅時候每次經過都大排長龍，今日專登揀平日去，我仲要過埋LunchTime 時間添。
肉肉大米嘅漢堡排係：純牛肉當日現絞、牛肉手工即場拍、高溫鐵板即場煎
呢間2&3個漢堡套餐選擇，可以混搭，分別有原味、芝士和期間限定嘅三椒。鍾意食辣嘅我點可以錯過今期個期間限定呢。
餐枱上面有不同的醬汁，可配搭出不同口味，因應自己喜歡的而選擇。套餐裡有1份生雞蛋或溫泉蛋選擇，飯、湯、西蘭花無限次免費添！
我哋Order咗2份混搭的兩塊漢堡排，原味、芝士和青辣椒可以一次過試哂！
餐枱前有一塊小鐵板，在大鐵板煎至6成熟後，再放上小鐵板按自己生熟喜好。漢堡排會先上原味，原味最好就係配生雞蛋撈飯，青辣椒配搭好惹味，送飯一流。芝士味除了漢堡上面有一塊芝士外，仲會加上勁多即磨芝士，味道同個漢堡排好夾，但食完就會有點滯，對於我嚟講兩塊都好足夠！
雖然飯和湯免費添，但一啲都唔遜色～飯軟硬適中，麵豉湯有蜆肉、秋葵昆布！
雖然無食過香港嘅「挽肉と米」，所以無得比較！
不過一人飯堂佢當之無愧😬
人均價格：¥80/2（RMB)
評分：⭐️⭐️⭐️⭐️（五⭐️最高）
🎈：肉肉大米
地址：福田區KKONE時尚潮流購物中心-南門福田區下沙大街11號L133
如何前往：地鐵9號線下沙B出口
以上純粹個人感受及分享
#深圳美食 #深圳探店 #深圳打卡
