深圳美食｜新開人氣冬甩店BébéDonut
今日去到One Avenue卓悅中心，見到呢間店排哂隊就行埋去睇睇，原來是新開的冬甩店。
我先買咗兩個冬甩試試，一個原味和一個法國可可百利脆皮黑朱古力。
原味絕對有驚喜，亦是店舖招牌，冬甩面有一層糖粉，但又唔會太甜，加上十分鬆軟，口感好好。
法國可可百利脆皮黑朱古力味濃，冬甩面包滿朱古力，食落口大滿足。
食完再Encore，買返去比屋企人試吓，原味係一定必買之外，仲試埋佢啲其他味道。
（買返屋企之後，我每隻味都試咗少少）🤭
Top1: 整粒整粒藍莓酸奶
如果大家鐘意食乳酪就一定要試下，冬甩中間夾有藍莓乳酪Cream，藍莓乳酪的酸味連我平時唔太食乳酪都接受到。
Top2: 意大利開心果酸奶
我比較喜歡開心果味，因為無藍莓咁酸，開心果味又唔會太過濃，冬甩甜甜地和開心果乳酪小小酸又好夾喎。
秋季期間限定：法式蒙布朗栗子粒
我覺得粟子味要在乳酪味前食，如果唔係會有少少蓋過粟子味，所以我最後食粟子味的時候，食完一陣才感受到粟子味，加上呢個冬甩裡面無加任何Cream。
全家人總結：一定要食原味😂
店員有溫馨提示：外賣袋裡面有一舊小乾冰，亦建議4小時內享用！
評分：⭐️⭐️⭐️⭐️（五⭐️最高）
🎈：BebeDonut
地址：福田區深南大道2005號卓悅中心東區B1層B1112A號
以上純粹個人感受及分享
