為什麼這次會一個人獨遊呢？哈哈～睇落去就知道啦。這是我第一次一個人旅遊，挺喜歡這種感覺，自由自在，想做什麼就做什麼，不用理會別人。獨遊令我有一種全新體驗，人與人之間溝通多了，可以更加感受到當地的風土人情，需然我是一個人，但短短的旅途中遇到很多不同地方的人。（感恩都是很好的人）雖然我是獨遊，但我並不獨單。
小Tips：
1.早一日前聯絡民宿，確認住宿
2.查天氣，我就問了民宿老闆當地的天氣狀況
Day1 出發前往肇興侗寨
一早由深圳北高鐵坐到廣州南轉到溶江（从江）高鐵站（大約用了5小時），一出高鐵站轉右會見到侗鄉長途客運站，穿過客運站後會見到前往肇興侗寨的巴士，每位10元，大約10 分鐘左右就會到達侗寨售票處
2024年港澳台都不需要購買門票，只需要出示回鄉證登記就可以了，買門票會建議網上購買，好似平啲啲，門票80。登記完後，巴士會載我們入寨，所以不需要購買觀光車票。我預訂了寨裡面的民宿，約2xx，我雖然留在民宿時間不多，但好喜歡民宿裝修，好有文藝氣息。影相應該都會都幾靚！我入住時，民宿老闆將侗寨的景點一一介紹給我，鼓樓有幾多個，有什麼餐廳，打卡位係邊等等⋯
坐了5小時的車程，放低行李就第一時間要搵野食先。是旦入咗一間牛肉粉店點了一個脆豬肉河，脆豬肉切到好薄，所以感覺唔到佢好肥膩，但真係好脆（講廢話），牛肉粉店裡面碰到廣州人，遇到講廣東話會有種親切感，所以傾了幾句。店老闆人也好好，炒了一個蛋炒飯給她們，但唔收錢囉。
吃飽之後就開始遊覽侗寨，民宿老闆的介紹很有用，起碼大概知道自己行緊去邊度。侗寨裡面有好多地方都係打卡位
肇興侗寨位於中國貴州省黔東南苗族侗族自治州黎平縣，歷史悠久，擁有800多年的歷史。侗寨的建築風格具有濃厚的侗族特色，其中最具代表性的建築是鼓樓、風雨橋和吊腳樓。肇興侗寨的鼓樓分為「仁義禮智信」5個，象徵著村中的五個侗族和文化。
大約5點左右，我掙扎緊上唔上堂安侗寨睇日落，行到上車點都已經5:30分，由於接駁巴車已開出，售票EE問我係咪要上去，佢搵咗住係山上嘅EE車我上去，由於堂安侗塞位於山上，開車大約需要15分鐘，EE話上到去都仲睇到日落㗎，快啲上嚟啦。
大約5:46分上到去，個太陽真係好靚，立即影咗幾張靚相，再Set好縮時，就靜靜地欣嘗太陽落山。
太陽一落山，天氣就急降，變待很冷，所以大家去要準備外套。由於岩岩係個EE車我上去，要落山先可以話比大家知點樣搭接駁車上山，接駁車每位20，上到山仲要比3蚊上堂安侗寨。因為堂安侗寨尾班車是7點，睇完日落之後已經無時間參觀，加上很多人排隊等車下山，等了第二班車才有位上車，落到山都差唔多8點了。又係時候搵食啦！
一落去先去買咗杯廢水，問一問廢水裡面嘅員工，附近有咩好食推介，佢就話我得一個人，建議我去試吓紅、綠頭巾阿姨糯米飯。
咁第一晚就掃街。街行到去綠頭巾姨姨檔口，發現旁邊有紅頭巾，仲有藍頭巾添，果一刻我笑咗，我揀咗綠頭巾姨姨，無咩原因，因為我鐘意果個姨姨多啲。Order咗10蚊6串豬肉串燒，糯米飯，最後叫埋隔離燒烤果檔1條香腸添。食飽飽就返民宿休息啦。
Day 2 出發前往加榜梯田
第二天一早起身就要出發去加榜梯田，起身嘅時候天都未光，民宿老闆早一日已叫我將房卡放在櫃台上，因為太早佢都未起身。整理完大約7點出門，先找找侗寨有什麼早餐。街道旁晚上是燒烤檔攤，早上竟然是豬肉檔，我再行入啲就見到蒸腸粉，就坐低點咗份生菜雞蛋腸粉。
食完早餐之後，我搭侗寨7:20的巴士到从江高鐵站（發現自己太早出發，等了差不多1小時）由从江高鐵站開往加榜梯田的巴士，每日2班，早上8:30和下午3:00，出發前一天一定要先聯絡司機確定上車時間。車程大約3小時。由从江高鐵站開往加榜梯田的巴士，每日2班，早上8:30和下午3:00，出發前一天一定要先聯絡司機確定上車時間。車程大約3小時。
剛上車就只有我一個人，全程車的乘客也只有8個左右。車程大概有1.5小時都在山路上走，雖然是瀝青路，但彎彎曲曲都幾難頂，好彩風景都幾靚。經過差不多3小時的車程，我終於到了加榜梯田的入口位置。
一落車見到加榜梯田大牌坊，司機示意了我應該如何走到服務中心。大約行5分鐘就到停車場，服務中心就在這裡。進入加榜梯田需要購買門票和觀光車，費用90元（至2024.12.31港澳台都不需要購買門票），但仍然要購買觀光車門票，費用40元。在園區內無限次任座。上觀光車告訴司機你要去哪一間民宿，他就會在門口放低你。
加榜梯田裡面大多數都是民宿，我預訂呢間約1xx，房子用木建造，每行一步都會發出聲音，房子應該已經有一段時間，並有兩層，地下客廳是吃飯的地方，2樓就是房間，我離開時發現原來加建了3樓。
其實我到達民宿後，最緊張係邊度有飯食，老闆話呢度都可以食飯。我點了一個家常菜，吃飽就出發觀賞梯田啦。
加榜梯田有6個觀景台，每一個景色都各有不同，梯田的總面積接近一萬畝，以黨扭一組、加頁三組、加頁大寨、加車大寨、加車七組等地區的風景最為優美。在這些梯田之間，點綴著極具苗族風情的吊腳樓，為景色增添了獨特的韻味。
我住在一號觀景台附近，步行大約5分鐘就到達觀景台，一號觀景台景色真係好靚，可以近距離望到面積大的梯田。不過觀景台對於我呢啲畏高嘅人來講就唔係咁友好啦，因為觀景台地下是鐵絲網，看到地面。在觀景台留了半小時左右，就坐觀光車逐個觀景台遊覽。我直接到3號觀景台，再去6號，之後由6號觀景台落返去行梯田觀景遊道。全長2.1Km，途中會經過一間Cafe。每一個觀景台景色都唔同，各有特色，但我最鐘意夠寧靜，唔係旅遊旺季，唔會太多人。最後到2號觀景台，果邊仲有一個星空露營營地添。行哂咁多個觀景台，我最鐘意一號，之後就係步道果邊啲梯田。
返到民宿在房間休息咗一陣，醒起要在日落前沖完涼，如果唔係就會好多蚊蟲。在民宿吃完晚飯，回到房間看見天上很多星星，我走到馬路上，在完全無光害的情況下，一抬頭滿天都係星星，意料之外竟然比我影到銀河。好開心。對於我地呢啲市區嘅人來講，睇星星原來係咁奢侈。
返房瞓覺一關燈，全房黑哂，伸手不見五指，真係好黑，唔駛合埋眼都係黑媽媽。忍唔住我開在一陣燈，到差不多瞓着先關燈，因為實在大黑了。
Day 3 計劃趕不上變化
第二朝早起身睇日出，等在好耐個太陽先係山上面出來，民宿房間直接可以見到日出，不過都唔知算唔算係日出，因係太陽已經在後面座山一早出來了。之後才知道在6號觀景台係睇日出最好的地方。
食完早餐，我又再上梯田Cafe Hea 咗陣，同裡面個員工傾咗一陣。接駁車司機車咗我去睇圈圈梯田，我都係第一次見，係幾特別。
最後離關時發生了一點小插曲，原本2:40巴士出高鐵站，點知巴士改時間要到下午5:00先到，所以我趕唔到果晚班高鐵，我選擇到侗寨住多一晚，在改高鐵時間到第二日中午。
感想：
一個人去旅遊，是我一個新嘗試，未出發前都會驚呢樣驚果樣，驚搭錯車，驚唔見嘢，驚有壞人呀，身邊人又會講一個人去咁危險呀。但當我去完一次之後，我愛上一個人去旅行的感覺，因為行到邊去到邊都唔駛就住就住，想食咩想買咩，想影相影幾耐都得，係有時候食飯會麻煩啲，食唔到多嘢，但勝在夠自由。我今次旅途中遇到過很多不同的人，在肇興侗寨錯過安堂侗寨巴士去睇日落，有個姨姨車我上去，到咗加榜有一個我估佢唔到係80歲伯伯同我一齊行上山，後來民宿遇到來自新疆姨姨，一齊睇星星影星星，仲有Cafe員工陪我傾計傾咗一個上晝，加榜觀光車司機叔叔，又介紹梯田，又車我到門口目送我離開，最後巴士司機叔叔，到站等我一個，沿路都有傾有講。
出發日期：2024年10月
