昂坪 360 纜車懷舊價～童遊時光
由2019年9月27日至2019年11月10日，香港居民可以優惠價$88購買昂坪 360 纜車來回門票！見到咁平唔執輸去返轉行下先，帶埋亞媽去，長者仲系$68，小童好似系$45。我上一次去已經系7年前，7年前去好似都要成佰幾蚊來回，今次真系懷舊價啦！
昂坪 360纜車站位置
今日空氣質素唔系咁好，雖然無落雨又唔系蔭天，但煙霞太大，所以影相都會蒙查查，纜車外景色可飽覽東涌市內，機場及港珠澳大橋。
纜車大約20分鐘便到達昂坪
一出纜車就會見到童年時經常玩嘅飛行棋、扭計骰、陀螺和扭蛋，仲有跳飛機添，星期六會有花色搖搖表演，雖然唔系話太多展覽，但$88懷舊價又幾值得去下。
跳飛機只可以影相，唔跳得架
細細個嘅時候，最鍾意系上堂時候摺紙玩東南西北
去大嶼山睇大佛點會見唔到大牛牛呢
準備行上大佛上面啦
上大佛要行2XX級樓梯
昂坪市集兩旁都有不同種類嘅食店
其實由東涌出發，整個行程大約3小時，到達昂坪市集外國人較多，帶埋亞媽輕輕鬆鬆咁行下，加上唔駛點排隊，唔駛迫餐飽。
