香港

黃昏時間出發，由青衣城出發可乘88F到藍澄灣、葵涌貨櫃碼頭，最後途經過油庫，旁邊有一條小路入去，一望無際海景，景觀十分開揚，有陣陣海風吹過，心情舒暢，坐在大石上飽覽昂船州大橋全景。逗留了一會後，離開時發現，原來可以到橋底下，在橋下有種無形的壓迫感，拍照感覺有所不同，不過能遠眺尖沙咀，過一會亮起五光十色燈來。

我返咗嚟香港一段時間，都去行咗幾個山，比較有感覺都係呢個「大刀屻」，話難唔難，話易又唔係好易，但對於平時無咩點行山，體能一般會有點辛苦。今次一齊行裡面有幾個人都係好少行山，所以比預計完成時間長。我地由嘉道理農場出發，粉嶺火車站離開。大刀屻山上能夠360飽覽八鄉錦田同大帽山景色。大刀屻高度566米，山脊兩邊都是懸崖，好似係刀屻上行走咁，但山上都唔算大危險。

原本只係想Hea行畢架山，點知走到畢架山雷達站波波意猶未盡，所以就決定走上獅子山。其實我一直都很想去獅子山，需然我唔係住系獅子山下，但覺得身為香港人點可以未去過獅子山頂呢。因為上畢架山嘅時候係唔知道可以行到去獅子山，所以都有一種莫名其妙的興奮！

Leap Day 2月29日天氣好好有藍天白雲，又係行山嘅好日子，我同三家姐同埋其他buddies都想行下d相對少人d嘅路徑，所以就揀咗行愉景灣！兩年前都試過由梅窩行去愉景灣碼頭，而今次我地就由愉景灣寶琳閣側邊小路上山行下老虎頭郊遊徑，而目的地就係落番東涌市中心。

仲有D行山Post都未出哂，就急不及待出咗個東坪洲Post先。出發去東坪洲要晨早流流起身，由於只有星期六、日有船，呢兩日都只有兩班船，早上9:00同下午5:15，所以要睇清楚時間出發，最好就8:30之前去到碼頭排隊買船飛，不過我果日去到都見到有D人係網上已經買咗飛，唔知係唔係D導賞團呢？

行山已經成為咗每個星期必做嘅事啦！不過都多咗人行山，可能真係無咩地方可以去啦。今次就出發去望夫石，平時去望夫石會連埋獅子山一齊去，不過今日就無爬上獅子山啦，留返下一次去。路線：黃大仙鐵路站 → 18M綠色小巴 → 法藏寺下車 → 沙田坳道 → 衞奕信徑第五段→ 望夫石 → 九龍水塘 → 72，81巴士全程：12.7公里（約4小時-連拍照）

疫情影響，邊度都唔敢去，唯有向郊外兼山上走。今次就近近地去大帽山走走。大帽山可以在荃灣乘搭51號巴士，巴士是循環線的。不過我哋系揸車上去，搵位泊車就難少少啦。其實揸車系可以行少好多路架，但蠢蠢地嘅我哋就將架車泊到老遠咁行上去，所以到最後Total可以行咗9點幾公里。厲害👍…..

襯住有時間返香港，揾條短短哋又容易行嘅行山路線郊遊。 選擇有幾個， 最後揀咗網上都幾hit 嘅由大棠行去千島湖清景台。12:30由西鐵郎屏站出發， 好彩一去到K66巴士站就有車。 搭到大棠山路下車後就沿著大棠山路往山上行。大棠山路全條都係石屎路， 坡度亦唔大， 所以雖然係上斜， 但都唔算辛苦。其實大棠山路亦係去楓香林賞楓嘅路線， 所以遊人好多。