行山、龍脊 龍脊曾經被CNN推薦的行山路線，景色勁靚，海天一色，飽覽整個石澳、大浪灣、哥爾夫球場、赤柱紅山半島等⋯上一次行龍脊已經是4年前，其實上一次行都已經覺得景色好靚，不過可能太多人，龍脊又多沙石，空氣會飄浮住D黃色沙塵，但今次行龍脊天氣十分好，藍天無雲，加上唔係太多人，上到山都唔駛企一邊讓路，影相都舒服好多。 由筲箕灣出發A2 出口出發，過對面巴士總站搭9號巴士 大約15分鐘車程到達土地灣落車，起步位置有流動廁所，當日去都算乾淨 初初上山路都以樓梯為主，山上無補給，所以要帶足夠水和食物，防曬都好重要，就算當日有風唔係太熱，但太陽都幾猛烈，又無咩樹可以遮掩 ...
