米遊記

三家姐話要補祝我生日，佢話要食餐好啲慶祝吓。今日我哋都放假唔使返工，所以喺前一晚三家姐搵咗邊度Lunch buffet 有位打電話去book！最後我地兩個帶埋阿媽一齊入東涌，去左東涌喜來登酒店食lunch buffet，呢間酒店新開左有大半年，食自助餐嘅地方叫「嶼坊」，可能因為新開嘅關係，餐廳裝修設計偏向引入自然光， 所以感覺都好光猛，可惜餐廳外面仲係地盤所以就無咩風景睇，只有少部分坐位睇到昂坪纜車同d d 海景。但如果Staycation 住得夠高斬望到有機場＋海景，酒店泳池都能夠睇到海。