米遊記

三支香位於青衣南邊，三支香之所以稱為「三支香」，原因是其有3座由南至北排列的山峰，從遠方觀看就像三枝香一樣，由北峰、中峰及南峰組成。我哋由北峰（細山）開始出發，由青衣西路青華苑巴士站旁出發，起步點有一個青衣細山步行徑牌，沿路上行大約15至20分鐘樓梯，望出去嘅景已經好開揚

行山已經成為咗每個星期必做嘅事啦！不過都多咗人行山，可能真係無咩地方可以去啦。今次就出發去望夫石，平時去望夫石會連埋獅子山一齊去，不過今日就無爬上獅子山啦，留返下一次去。路線：黃大仙鐵路站 → 18M綠色小巴 → 法藏寺下車 → 沙田坳道 → 衞奕信徑第五段→ 望夫石 → 九龍水塘 → 72，81巴士全程：12.7公里（約4小時-連拍照）

疫情影響，邊度都唔敢去，唯有向郊外兼山上走。今次就近近地去大帽山走走。大帽山可以在荃灣乘搭51號巴士，巴士是循環線的。不過我哋系揸車上去，搵位泊車就難少少啦。其實揸車系可以行少好多路架，但蠢蠢地嘅我哋就將架車泊到老遠咁行上去，所以到最後Total可以行咗9點幾公里。厲害👍…..

趁呢個星期喺香港，天氣又涼涼地，最啱上山行下，呢條元荃古道，成日都諗住行下（講下講下都講左兩年），今日終於行左一小段。本來好想行到去深井，但由於我地好晏先上山，又行下停下影下相，所以唯有留番下一次。由荃灣地鐵站出發，搭巴士39A到荃灣港安醫院落車，往上行少少有個路口上樓梯入元荃古道。