米遊記

襯住有時間返香港，揾條短短哋又容易行嘅行山路線郊遊。 選擇有幾個， 最後揀咗網上都幾hit 嘅由大棠行去千島湖清景台。12:30由西鐵郎屏站出發， 好彩一去到K66巴士站就有車。 搭到大棠山路下車後就沿著大棠山路往山上行。大棠山路全條都係石屎路， 坡度亦唔大， 所以雖然係上斜， 但都唔算辛苦。其實大棠山路亦係去楓香林賞楓嘅路線， 所以遊人好多。