遠足 香港

遠足記-畢架山到獅子山全長約10K 登頂欣賞九龍全景

原本只係想Hea行畢架山,點知走到畢架山雷達站波波意猶未盡,所以就決定走上獅子山。其實我一直都很想去獅子山,雖然我唔係住系獅子山下,但我覺得身為香港人點可以未去過過獅子山頂呢。本身上畢架山嘅時候系唔知道可以行到去獅子山,所以都有一種莫名其妙的興奮!咁我地由九龍塘出發,途經石硤尾配水庫,走到龍翔道觀景台,橫過藍色天橋沿龍欣道往畢架山行

沿龍欣道一直行會見到指示牌“獅子山郊野公園地”地圖,可以選擇沿斜路上,不過我地揀咗樓梯上,後悔死啦….雖然行斜路會遠少少,不過至少唔會索哂氣,上完樓梯繼續上斜,好快就會見到天文台個白波波球

上到白色波波往後面方向走,會見到標高柱,影完相沿山路會走到來上波波球原的位置

往左邊走,又有一個好似發射站,會發現另一支標高柱,呢邊可遠望獅子山頂,飽覽成個九龍景色,不過果度系私人地方,會有人驅趕離開,所以快手快腳影完相就閃人啦

見到獅子山頂啦

走回原來分叉路口,有一條小路可轉入沙田坳,一路走走到獅子山下…..

途中都有D影相位

由天文台白波波果邊大約走30分就會到達獅子山山下回歸亭,都幾多人準備上山….

回歸亭附近有個指示亭,我地已經進入咗麥理浩徑第5段,再往前行亦發現一個柱形軍事座標,系全段麥理浩徑獨一無二的,見到獅子山頂指示牌就仲有400米就上到山頂啦。

 

上山嘅路段會較之前斜同崎嶇,需要多少少體力….

未到山頂都有D影相位,可以望到剛才畢架山天文台白波波果邊

影完相就繼續上山頂啦…..

我地終於上到山頂啦,往右手邊上大石就係獅子頭….大約留左30分鐘,不停影相影相同影相…..

 

太陽都差不多下山,要趕緊落山啦,唔係就要摸黑落山…最後到慈雲山法藏寺離開

由畢架山走到回歸亭,路都以行山徑為主,所以都幾易行,但開始往獅子山上走時,有少量需要手腳並用。其實上去獅子山頂都有幾條路線,但我就唔係好建議由慈雲山上,樂富走,我覺得會較辛苦。失驚無神上咗獅子山頂,好開心仲要遇到幾好天氣….不過大家上到山頂影相就就要小心D啦……

全程約10公里

約5小時完成(連影相)

老虎頭郊遊徑先苦後甜|多怪石打卡位

香港東坪洲環島遊|千層糕岩石,更樓石,斬頸洲

元朗大棠走到千島湖清景台〜黃泥墩水塘