旅遊 美國

回憶-芝加哥馬拉松遊記EP3 「馬拉松陪跑+据扒」

 

終於到三家姐跑芝馬日啦,唔係我跑都有一種莫名其妙嘅興奮。好彩我哋住得同起點好近,所以可以6點半先起身,芝馬9點開始起跑。當日有微微雨,有少少凍,早咗少少落咗大街感受一吓氣氛,起初都唔係好多人,但越近起跑時間就越來越多人啦!

4 & 5 Gate 係起點&終點位置,全部人開始往同一個方向走了,呢個時候同三家姐係大馬路打打氣先,入咗Gate 裡面都要分段起跑,所以亞三著定雨衣有保暖作用。

亞三去咗跑步,咁我做咩呢?我先去食咗個早餐,之後返酒店瞓覺,預計亞三跑步時間,較定鬧鐘落去接佢。其實每個選手號碼布上面有一個GPS追蹤器,大會有一個APP 比大家下載,可以追蹤跑手大約去到邊個位置。所以瞓醒望一望APP,睇下佢跑到邊,呢個Cap圖佢已經差不多到終點嘅時候,但我唔係在終點等佢,我中途截佢…..

酒店同終點好近,所以一出酒店氣氛都好高漲,依家我準備去China Town撞撞佢,沿途不停有人加油打氣。

到達China Town,要搵個位置等亞三見到我先….

見到啦…見到啦…..

呢邊係接近40K位置….我係China Town 行過黎只係需要10分鐘左右,但亞三跑過黎大約要半個鐘….

最近終點,遊客止步…

轉到離開終點位置等佢,超級多人…..

跑完啦….跑完啦….開心!

跑完馬拉松當然要食返一餐勁,雖然我無跑,但打氣路程用嘅氣力都唔少,所以我地選擇左去食扒,進行馬拉松式的食量!我哋坐地鐵去,芝加哥地鐵好似有一種滄桑感,舊舊的……

呢間野真係無得頂!Gibsons bar & steakhouse店裡佈置得很懷舊,到2樓還有鋼琴伴奏,氣氛很好!餐包先上+沙律+重頭戲系件牛扒,所以先放棄餐包和沙律,兩件扒的份量都不少,rib eye肉眼呢塊5成熟,煎到外脆內軟,入口完全唔駛𡁻,雖然另外一塊成舊肥豬肉咁,但扒不可以貌相,Prime rib呢塊比肉眼更好食,口感軟軟,也是5成熟,不但肉味濃而且不會有生肉味……最後餐包和沙律就變成第二日的早餐了!

食完行返酒店,夜遊芝加哥,途經芝加哥大劇院、芝加哥河、Marina City(好似兩條粟米)、Wrigley Building等….