米遊記

我地已經去到芝加哥最後一日嘅行程，一早起身去食個早餐先，其實都唔早架啦，但去到呢間餐廳Chicao Portillo’s都要等佢開門，所以就係門口影吓相先。呢間餐廳個裝修好懷舊，有30,40年代美式風格，有上下兩層，點餐先到Bar枱付款，之後到取餐處取餐，去到一定要食牛肉三明治，滿滿嘅牛肉汁，加上唔駛落任何醬料，配搭埋酸瓜辣椒等配菜，好好味….另一樣就係芝士薯條，重點係個醬，唔會好膩但又好有芝士味。

 

食完野之後就周圍行下，行到Milton Lee Olive Park，人很少，能夠飽覽沿岸嘅芝加哥，十分寫意。

最後就去到海軍碼頭，碼頭上面有一個好大嘅摩天輪，二樓有一個空中花園，裡面有購物商店同埋小朋友博物館。我地留咗一陣，船都唔夠時間坐就走咗啦。

回程返酒店拎行李途經Grant Park，裡面有個白金漢噴泉，世界上最大的噴泉之一，但當日就無開，如果開的話，晚上會有不同燈光照射上演水舞秀。

我地要搭下午6點飛機轉到波士頓繼續我地嘅行程。搭返地鐵去O’Hare機場，落機嘅時候都無咩時間去行下個機場，但個機場都幾細，無咩野行。