遠足記-黑沙龍爪角 海岸徑｜澳門靚景
澳門都真係幾細架，所以要搵地方去都唔易，好多人去親澳門都係去賭場酒店，我除咗買野之外都好少去氹仔酒店果邊，但今次就介紹一個一家大細都可以去嘅家樂徑&海岸徑，呢度比我想像中靚，因為無預料澳門咁細都有郊遊地方。咁呢個地方位於氹仔黑沙灣沙灘果邊，我係新馬路上車，大約45分鐘車程。
路線︰新馬路26A ▶ 海蘭花園站落車(尾二站) ▶ 黑沙龍爪角海濱路 ▶沿海邊直行▶黑沙龍爪角海岸徑
全程︰家樂徑-全程2250，但我行咗1少部份、海岸徑-全程1200 約4小時 (拍片+影相)
落咗車往左手面走是黑沙海灘(唔好向那邊走)，過對面馬路會見到黑沙龍爪角海濱路，沿住海邊直行入去
當日天氣好好，有D熱，但吹住海風都OK
澳門嘅家樂徑都好易行，路牌指示都好清晰，只需要影低呢個地圖，沿地圖上的數字就可以到達目的地。
我只行了一少部份家樂徑，如果我早少少出門應該可以行全程。
家樂徑起步︰C33 ▶ C32 ▶ 1-07-04 ▶ C31a ▶ C31 結束
上完一少段樓梯之後，就黎到第一個涼亭 – 海風亭 
其實沿路都有好多指示牌，沿指示牌走唔難搵路。往C31a走….
只有開始行有一小段樓梯，之後沿路都係平路
好快就去到第二個涼亭 – 飛花亭
系飛花亭休息咗一陣，沿路走好快就會出返黎馬路，呢個係另一個家樂徑入口
前面有一條樓梯落海岸徑
我由海岸徑尾開始行
1-08-05 1-08-01▶C33
尾開始行路都較為平坦，但越近起點位置，高低起伏較多，有較窄石邊
海岸徑有好多奇怪怪石，發揮一下大家想像力
呢度要小心D行，路窄咗少少，有水有D滑
行到呢個亭 (聽海軒) 姐係好快就行完海岸徑啦….
坐咗一陣，吹吹海風，天色都已經開始暗…
近入口位有一舊猿人石，側睇都幾似，8成…
黑沙海灘旁有兩間燒烤店，士多….
黑沙海灘
我揀咗叱間坐低食少少野，之後行去對面上巴士離開。
