行山-西大嶼山靚、景、行
大嶼山
行程：西大嶼山 – 觀音山、薑山頭、羗山、靈會山、大磡森、深坑瀝、分流頂
全程：約18公里
時間：7小時30分鐘
今次行嘅路線，本來係鳳凰徑第五第六段，大約10k左右，但中途改邊行程，最後行左18k！我地先坐新大嶼山11號巴士到深屈道落車，落車後反方向沿斜路上1分鐘左右就見到鳳凰徑入口。
沿石級上約半個鐘左右就會見到轉上觀音山嘅小分叉路。上觀音山條路只係100米左右， 亦唔難行。 喺觀音山顶可以飽覽石壁水塘嘅靚景， 所以係值得花少少時間上去。
上觀音山嘅路
石壁水塘
離開觀音山之後，我地就前往薑山頭同羌山，由起點行左約45分鐘左右就到咗薑山頭。薑山頭望出去都係一片好靚嘅海景。
前往薑山頭
薑山頭
前往羗山嘅路
到達羗山，喺羗山逗留一陣之後，見到體力同狀態都仲ok, 所以決定唔去萬丈布， 再去其他山頭進發。
羗山望出去嘅鳳凰山
羗山望出去嘅海景
離開羗山向靈會山前行，落山路
由羗山行到呢個有靈會山黃色指示牌大約廿幾分鐘，而前方有條分叉路，靠左行就係行去靈會山啦
羌山去靈會山有一段路生滿咗芒草
當離開黃色指示牌行多廿分鐘左右就會經過呢過好多芒草嘅地方，配埋藍天白雲，好靚
前往靈會山路上
路上望到嘅山脈
未到達靈會山前休息嘅地方
由羗山行大約2小時到達靈會山（連休息）
靈會山望出去嘅海景
離開靈會山大約行十分鐘左右，會到呢個分叉路口，左邊啡色指示牌寫狗嶺涌方向，就係我地即將要行嘅大磡森方向，而右邊就係向萬丈布方向行
向大磡森方向行嘅路段
喺分叉路口行十分鐘左右會見到「狗嶺涌（西）指示牌
向住呢個狗嶺涌西方向直行
由狗嶺涌西指示牌行到呢條分叉路大約15分鐘，往右邊行就係大磡森方向
大磡森標高柱
大磡森望出去嘅海景
離開大磡森，行20分鐘左右就見到前面嘅深坑瀝
深坑瀝上訓低左嘅標高柱
由大磡森大約慢行35分鐘左右就會到達深坑瀝嘅山腰。 上深坑瀝標高柱係要行一段好斜嘅路，再加上滿佈浮沙碎石，唔太易行，最大問題係上到山頂景色欠奉，所以完全唔值得花時間上去。
深坑瀝望出去嘅海景
離開深坑瀝，我地經過分流頂落山， 向石壁水塘離開（即係鳳凰徑第8段）
經過分流頂影嘅相
分流頂落山嘅路都係浮沙碎石，要慢慢行
經過部份浮沙碎石路段後，再接呢啲石級路
由分流頂落山大約半個鐘會黎到呢兩個指示牌，右邊👉🏻去分流，左邊👈🏻去石壁，我地向石壁方向行
前往狗嶺涌引水道嘅石級路
到引水道
由於已經接近黃昏，夕陽將草同樹木染上金黃色， 加上寧靜嘅環境，感覺好舒服！
由進入引水道行半個鐘左右會到達呢個狗嶺涌營地嘅入口，呢個位置可以睇到開揚嘅海景
而呢個狗嶺涌營地入口，亦都係鳳凰徑第七段嘅尾段（標距柱L076）位置，亦都可以前往嶼南界碑（今次我地無去到）
繼續沿引水道行，可以望到嘅海景，黃昏嘅浮雲
太陽打落前方嘅鳳凰山變成金色
好多人話行引水道比較悶，但呢條引水道都有兩個位置睇到無邊際嘅海景，所以都唔算完全無風景睇。引水道途中有一個流動廁所，尚算乾淨，行左差不多兩個鐘，就到達石壁水塘（剛好日落入黑無影到相）
每個人體質不同，行山要
⚠️因應自己的能力而行，量力而為⚠️
以上純粹個人感受及分享
