行山｜香港三尖之一青山～神秘的青山腹地
行山：夜行大帽山睇日出 、 快閃龍脊-重遊依舊靚景 、 天蔭下的鹿頸格外寧靜~上高峒遊鳳坑
注意：
- 新手不太建議
- 沿途沒有補給 （要帶足夠水）
- 全程暴曬（怕曬唔好揀呢條路線）
- 防滑行山鞋 （沙石路多）
青山又稱杯渡山，因杯渡禪師曾駐該處而得名。青山的英文名為「Castle Peak」（意即「堡壘山」），因其山峰形如堡壘之故。從青山（杯渡山）至圓頭山（靈渡山）的考牌路線就是「杯靈雙渡」，青山與釣魚翁山和蚺蛇尖合稱「香港三尖」。其實前往青山發射站有多條路線，我和三家姐就選擇了路程較短，但又會有些微難度的。
由屯門良景邨出發，穿過屋邨公園往良田坳上青山，初起步沿路都是石屎斜路。
我們未到達起步上山位置，就已經看到今日的目的地「青山發射站」
剛剛開始上山已經是沙石路，回頭看沿途的石屎斜路。8
我要攀過多少個山頭才可以到達青山發射站呢，眼看還有很遠的路程。
越行越近青山，飽覽的風景就越來越靚
上上落落都是沙石路，已經不知道走了多少個山，好像走不完，太陽已經在我頭頂
青山腹地～聽聞好易盪失路，因為每一段路都好相似，加上太多分支路。8
終於都來到標高柱了，留倩影是常識吧⋯⋯
還有一少段路就到達青山發射站了，這個位置有一舊大石可以打卡
休息了一會便繼續出發，當行到見到呢個涼亭，就差不多到青山發射站，餘下一少段山路，發射站上還有標高柱
影完相好快就由發射站離開，沿路落山比上山時的沙石路較為易行
沿途落山都看到屯門景色
當行完沙石路樓梯後，仍然繼續落樓梯，不過是鋪好的石屎樓梯
行完哂所有樓梯後，就要再行斜路落，會經過青雲觀
最後就落到青山村輕鐵站，回頭一看，青山咁高嘅⋯⋯
感想：夏天唔係好建議行由良景上青山，雖然路程唔長，大約6.6公里，不過全程無遮蔭、要暴曬和無補給，起伏不斷，上山落山沙石路為主，行山新手不建議。上山嘅路好相似，好容易迷路，雖然明題有路線，但行下行下就會發現條條路都好似，全部黃土沙石。如果由青山寺上山就要行好多樓梯級，會有啲悶，但行完之後我絕對唔會由良田坳落山，因為會跣到不得了。最後都好開心好高興，因為我已經完成哂香港3尖，釣魚翁，蚺蛇尖和青山。
全程：6.6公里
時間：約4小時30分鐘（連拍照）
⚠️每個人體質不同，行山要因應自己的能力而行，量力而為⚠️
以上純粹個人感受及分享
