行程：北潭涌 太墩 長山 斬竹灣大網仔路 全程：約6公里 時間：約3小時 當日早上行完釣魚翁唔夠喉，搵咗個以為路程短又容易嘅太墩行，點知中伏了，都唔係想像中咁容易行。由北潭涌停車場出發，忘記影個入口位，多咗人行入口依家應該都易搵咗，難入口在停車場角落位，不過都有絲帶指引。一開始上山已經喺D沙石斜路，都幾跣吓，見住前面個小妹妹唔係著行山鞋，行每步都跣吓跣吓，見到都鄧佢驚。我果日行天氣都幾潮濕，D樹都高過我地又無咩風，所以都幾翳焗幾辛苦⋯⋯ 行咗大約20分鐘叢林路，終於見到個開揚嘅景色，有返D風，無咁辛苦 繼續上山 ...
