行山、龍脊 龍脊曾經被CNN推薦的行山路線，景色勁靚，海天一色，飽覽整個石澳、大浪灣、哥爾夫球場、赤柱紅山半島等⋯上一次行龍脊已經是4年前，其實上一次行都已經覺得景色好靚，不過可能太多人，龍脊又多沙石，空氣會飄浮住D黃色沙塵，但今次行龍脊天氣十分好，藍天無雲，加上唔係太多人，上到山都唔駛企一邊讓路，影相都舒服好多。 由筲箕灣出發A2 出口出發，過對面巴士總站搭9號巴士 大約15分鐘車程到達土地灣落車，起步位置有流動廁所，當日去都算乾淨 初初上山路都以樓梯為主，山上無補給，所以要帶足夠水和食物，防曬都好重要，就算當日有風唔係太熱，但太陽都幾猛烈，又無咩樹可以遮掩 ...
行程：北潭涌 太墩 長山 斬竹灣大網仔路 全程：約6公里 時間：約3小時 當日早上行完釣魚翁唔夠喉，搵咗個以為路程短又容易嘅太墩行，點知中伏了，都唔係想像中咁容易行。由北潭涌停車場出發，忘記影個入口位，多咗人行入口依家應該都易搵咗，難入口在停車場角落位，不過都有絲帶指引。一開始上山已經喺D沙石斜路，都幾跣吓，見住前面個小妹妹唔係著行山鞋，行每步都跣吓跣吓，見到都鄧佢驚。我果日行天氣都幾潮濕，D樹都高過我地又無咩風，所以都幾翳焗幾辛苦⋯⋯ 行咗大約20分鐘叢林路，終於見到個開揚嘅景色，有返D風，無咁辛苦 繼續上山 ...
行山已經成為咗每個星期必做嘅事啦！不過都多咗人行山，可能真係無咩地方可以去啦。今次就出發去望夫石，平時去望夫石會連埋獅子山一齊去，不過今日就無爬上獅子山啦，留返下一次去。路線：黃大仙鐵路站 → 18M綠色小巴 → 法藏寺下車 → 沙田坳道 → 衞奕信徑第五段→ 望夫石 → 九龍水塘 → 72，81巴士全程：12.7公里（約4小時-連拍照）
疫情影響，邊度都唔敢去，唯有向郊外兼山上走。今次就近近地去大帽山走走。大帽山可以在荃灣乘搭51號巴士，巴士是循環線的。不過我哋系揸車上去，搵位泊車就難少少啦。其實揸車系可以行少好多路架，但蠢蠢地嘅我哋就將架車泊到老遠咁行上去，所以到最後Total可以行咗9點幾公里。厲害👍…..
