遠足 香港

馬灣靚景後花園|2小時易行 飽覽青馬大橋 冷門路線

復活節假期最後一日,陽光普照,當然要搵個地方行吓啦。其實之前果一日已經同亞媽入咗去馬灣嘅挪亞方洲影吓相,發現有一個「大嶺頭」嘅小山係青馬大橋旁邊,仲見到有人落咗去防波堤釣魚,所以就決定入多去一次行吓+影相啦。馬灣位於大嶼山與青衣之間,是全香港最小但又連接著香港道路的島嶼,可乘搭巴士和渡輪到達。

交通:巴士 荃灣鐵路站NR331、荃灣如心廣場NR331S、NR332葵芳新都會廣場、NR330青衣城、NR334機場

渡輪 中環二號碼頭、荃灣西站碼頭

全程:約4公里(來回)

時間:2小時(連拍照)

我在青衣城搭NR330,車程大約20分鐘,到馬灣第一個站落車(沙灘廣場),落車後行左手邊落斜,到太陽廣場入口

落車處⇣

落完斜路我選擇咗轉左行,但最後發現轉右行會近D同快D(睇住轉左點行先)

轉完左沿路上就OK⇣

之後就會去到太陽館,不過我地係要去太陽廣場,沿無障礙路行入去

出左去會見到左手面係太陽廣場和挪亞方舟入口,不過我地要行過去對面個球場⇣

到球場有分叉路行,行完之後發現轉右⇣係會比較順路D(當然我揀轉左果邊條路)

轉左⇣

前面一條小路⇣

開始出發啦⋯⋯

上一條小斜路⇣

先選擇行右手面,最後回程會行埋左邊⇣

小上斜見到標高柱了

行咗少少個景已經無得彈啦

不過成個山頭到無咩樹蔭,會曬到high-high,夏天去一定要搽夠防曬同要噴蚊怕水

直行又會見到分叉路,有一個休憩亭,轉右繼續上山(回程再去左邊)

上山樓梯都已經係鋪好咗,好好行⇣

見到第二個休憩亭就差唔多要回程啦

有一個唔知咩嘅紀念牌,(咩露營,二十個國家)如果大家知話我聽係咩⋯⋯

最後見到條生銹嘅標高柱,再向前行就會落山啦,落山個位就係球場轉右果個位置啦。如果呢邊上,頭先所有分叉路就可以好順路咁行,唔駛好似依家咁行多咁多路

落山時發現,當上去第二個休憩亭果條樓梯個景好開揚,飽覽馬灣、青馬大橋、青衣及荃灣景色

第一個休憩亭的分叉路,向下落樓梯沿路行,行到盡頭好有驚喜⋯⋯

見到第三個休憩亭⇣

一個小海灘,去到嘅時候正在水漲,所以急急腳影相就走啦

影完相原路走

最後返到第一個分叉路,入竹林一直行到出口⇣

見到出口轉右⇣

沿鐵絲網一直行⇣

行到盡頭就會見到防波堤,又係一個靚景打卡位

青馬大橋橋底⇣

坐喺橋底放空諗吓野都唔錯,吹吓海風都幾舒服

沿鐵絲網行中間又有條分叉路⇣

直行到尾

繼續青馬大橋⇣

假期有好多釣魚發燒友釣魚

最後球場旁係NR331往荃灣巴士站

以上純粹個人感受及分享